పరిటాలని చంద్రబాబే చంపించాడా !!!

పరిటాల రవిని చంద్రబాబునాయుడే హత్య చేయించారనే ఆరోపణలు వినిపిస్తున్నాయని వైఎస్సార్ కాంగ్రెస్ పార్టీ ఎమ్మెల్యే గడికోట శ్రీకాంత్‌రెడ్డి ప్రత్యారోపణ చేశారు. టీడీపీలో పరిటాల ఎదుగుదలను ఓర్వలేక చంద్రబాబే హత్య చేయించారని ఆ పార్టీ నేతలే బహిరంగంగా చెబుతున్నారని అన్నారు. ఇప్పుడు సిగ్గు లేకుండా దివంగత ముఖ్యమంత్రి వైఎస్ రాజశేఖరరెడ్డిపై ఆరోపణలు చేస్తున్నారని శ్రీకాంత్‌రెడ్డి మండిపడ్డారు.

హత్యా రాజకీయాలు చేయడం చంద్రబాబుకు వెన్నతో పెట్టిన విద్యని, పదవికోసం ఎన్‌టీ రామారావునే వెన్నుపోటు పొడిచి హత్య చేశారని, కాపు నాయకుడు వంగవీటి రంగాను, ఎలిమినేటి మాధవరెడ్డి, మల్లెల బాబ్జీ, పింగళి దశరథరామ్, పి.ఇంద్రారెడ్డిలను కూడా చంద్రబాబే హత్య చేయించారనే ఆరోపణలున్నాయని ఎదురుదాడి చేశారు.

బాబు సియం గా ఉండగా టిడిపి నేత నామాకు భూ సంతర్పణ

ఒకపక్కన టిడిపి అధినేత చంద్రబాబు నాయుడు ఆయన కుమారుడు లోకేష్ లు తమ ప్రత్యర్దులను దోపిడీదారులని, అవినీతిపరులని, మోసగాళ్లని ప్రచారంచేస్తుంటే , మరో వైపు వారి పార్టికి చెందినవారిపై ఆరోపణలు వస్తున్న తీరు ఆ పార్టీకి ఇబ్బంది కలిగించేదే.కొద్ది రోజుల క్రితం బొమ్మరిల్లు పేరుతో రియల్ ఎస్టేట్ మోసం చేసిన రాజారావు టిడిపి చింతలపూడి నియోజకవర్గ ఇన్చార్జీ అని తేలితే,తాజాగా ఆ పార్టీ పార్లమెంటరీ విభాగం నేత నామా నాగేశ్వరరావు పై ఆరోపణలు రావడం ఆశ్చర్యం కలిగిస్తుంది. ప్రముఖ కాంట్రాక్టర్ కూడా అయిన నామా నాగేశ్వరరావుపై ,ఆయన చేపట్టిన కుకట్ పల్లి ప్రాజెక్టు పై సిబిఐ లేదా సిఐడి దర్యాప్తు జరపాలని రాష్ట్ర విజిలెన్స్ విభాగం సిఫారస్ చేసిందన్న కదనం కలకలం రేపుతుంది, రెండువేల నాలుగులో సుమారు ఎనిమిది ఎకరాల ప్రభుత్వ విస్తీర్ణం కల భూమిని నామా కు చెందిన మదుకాన్ సంస్థకు కేటాయించారు.ఒప్పందం ప్రకారం ఆ స్థలంలో హోటల్,మాల్స్ తదితర నిర్మాణాలు జరగవలసి ఉంది.హౌసింగ్ బోర్డు ఈ ఒప్పందాన్ని రెండువేల పదకుండు వరకు పొడిగించినా, అది పూర్తి కాలేదు.దీనిపై విజిలెన్స్‌ మొత్తం పూర్వాపరాలపై విచారణ జరిపి అసలు ఒప్పందంలోనే లొసుగులు ఉన్నాయని, అర్హత సర్టిఫికెట్లే అనుమానాస్పదంగా ఉన్నాయని అబిప్రాయపడింది.ఈ నేపధ్యంలో అవినీతి కేసును నమోదు చేసి దర్యాప్తు చేయాలని విజిలెన్స్ విబాగం రాష్ట్ర ప్రభుత్వ ప్రధాన ప్రధాన కార్యదర్శికి లేఖ రాసింది.దీనిపై నామా నాగేశ్వరరావు ఎలా స్పందిస్తారో చూడాలి.

Babu Binami Nama

చంద్రబాబు ఎన్‌టి‌ఆర్ ని ఏవిధంగా గౌరవించారో సాక్ష్యాలు...

బొమ్మరిల్లు రాజా రావు – అమ్మో.. ‘దేశ’ ముదురు

* వంద కోట్లు మింగేసిన ‘బొమ్మరిల్లు’ రాజారావు
* అరెస్టు చేసేందుకు ప్రత్యేక బృందాలు ఏర్పాటు చేసిన పోలీసులు
* కోట్లు సేకరించి టీడీపీ మద్దతుదారుల గెలుపు కోసం వెదజల్లిన వైనం
* వచ్చే ఎన్నికల్లో టీడీపీ నుంచి చింతలపూడి టికెట్ ఆశిస్తున్న రాజారావు
* పంచాయతీ ఎన్నికల్లో పార్టీ అభ్యర్థుల కోసం రూ.3 కోట్ల ఖర్చు

సాక్షి ప్రతినిధి, విశాఖపట్నం: రాష్ట్రవ్యాప్తంగా దాదాపు 3 వేల మంది ఏజెంట్లు.. మాయమాటలతో 40 వేల మంది నుంచి డిపాజిట్ల సేకరణ.. వేలు.. లక్షలు కాదు.. ఏకంగా వంద కోట్లు! మోసం బట్టబయలు కాగానే పరార్!! ‘బొమ్మరిల్లు’ పేరుతో అమాయక జనాన్ని నిండా ముంచిన ‘దేశ’ ముదురు రాయల రాజారావు ఘరానా మోసమిదీ. ప్రస్తుతం పశ్చిమగోదావరి జిల్లా చింతలపూడి నియోజకవర్గం టీడీపీ సమన్వయకర్తగా ఉన్న ఈయన చుట్టూ ఉచ్చు బిగుస్తోంది.

వివిధ జిల్లాల్లోని డిపాజిట్‌దారుల నుంచి ఫిర్యాదులు వెల్లువెత్తడంతో రాజారావును, ఆయన భార్య స్వాతిని అరెస్టు చేసేందుకు విశాఖ సీసీఎస్ పోలీసులు ప్రత్యేక బృందాలను ఏర్పాటు చేశారు. కేసు తీవ్రతను దృష్టిలో ఉంచుకొని విశాఖ పోలీసు కమిషనర్ శివధర్‌రెడ్డి.. ఎనిమిది జిల్లాల ఎస్పీలకు లేఖలు రాశారు. కేసులో మొదటి ముద్దాయిగా ఉన్న రాజారావు, రెండో ముద్దాయిగా ఉన్న ఆయన భార్య స్వాతి, మూడో ముద్దాయి, రాజారావు బావమరిది లక్ష్మీనారాయణ పరారీలో ఉన్నారు.

పక్కాగా స్కెచ్..
* గతంలో హైదరాబాద్ కేంద్రంగా వ్యాపారం చేసిన రాజారావు.. వచ్చే ఎన్నికల్లో చింతలపూడి నుంచి టీడీపీ ఎమ్మెల్యే అభ్యర్థిగా పోటీచేసేందుకు వీలుగా ఇటీవలే విశాఖకు మకాం మార్చారు.
* ఏలూరుకు చెందిన టీడీపీ నేత మాగంటి బాబు ద్వారా పార్టీలో చేరిన ఈయన ఎనిమిది నెలలుగా చింతలపూడిలో భారీగా ఖర్చుచేస్తున్నారు.

* ఇటీవలి పంచాయతీ ఎన్నికల్లో ఈ నియోజకవర్గ పరిధిలోని గ్రామాల్లో టీడీపీ మద్దతుదారులైన సర్పంచ్ అభ్యర్థులు, వార్డు మెంబర్ అభ్యర్థుల కోసం బొమ్మరిల్లు సంస్థ నుంచి రూ.3 కోట్లకు పైగా సొమ్ము మళ్లించినట్లు సమాచారం. వీటన్నింటిపై పోలీసులు దృష్టి సారించారు.

* ఆర్‌బీఐ, సెబీ నిబంధనలకు విరుద్ధంగా ప్రజల నుంచి డబ్బు వసూలు చేసిన రాజారావు.. రాజకీయాల్లో చేరడం ద్వారా రక్షణ పొందాలనే వ్యూహంతోనే టీడీపీలో చేరారని పోలీసులు అనుమానిస్తున్నారు.

* ఈ వ్యూహంలో భాగంగానే బొమ్మరిల్లు సంస్థల చైర్మన్, ఎండీ పదవులనుంచి తప్పుకొంటున్నట్లు నాటకం ఆడి డెరైక్టర్ల పేరిట కొందరు అనామకులను తెరపైకి తీసుకువచ్చారు.

* బొమ్మరిల్లు డెరైక్టర్లుగా ఉన్న వానపల్లి వెంకటరావు, సాధ శ్రీనివాసరావు, కమ్మెల బాపూజీ, గోవిందు ఎర్రయ్య, మేనేజర్ సత్యనారాయణలను పోలీసులు ఇప్పటికే అరెస్టు చేశారు.

మోసం ఇలా..
* 2011, ఆగస్టులో రాజారావు బొమ్మరిల్లు సంస్థను ప్రారంభించారు. హైదరాబాద్‌లో రాజా హోమ్స్, విశాఖలో బొమ్మరిల్లు రియల్ ఎస్టేట్స్ అండ్ ఫామ్స్ సహా పలు సంస్థలను ఏర్పాటు చేశారు.

* సినీనటులు, రాజకీయ నేతలతో ఆర్భాటంగా వెంచర్లు ప్రారంభింపజేశారు. ప్రజల నుంచి భారీగా డబ్బు వసూలు చేసి బోర్డు తిప్పేశారు.
* కరీంనగర్, శ్రీకాకుళం, విజయనగరం, కృష్ణా, కడప, తూర్పు గోదావరి తదితర జిల్లాలతో పాటు ఒడిశాలోనూ డిపాజిట్లు సేకరించారు.

* దాదాపు 3 వేల మంది ఏజెంట్లను నియమించి 40 వేల మంది నుంచి రూ.100 కోట్ల మేర డిపాజిట్లు సేకరించినట్లు తేలింది. ఇందులో ఇప్పటి వరకూ రూ. 20 కోట్లు మాత్రమే చెల్లించారు.

* సంస్థ పేరిట ఉందంటున్న 300 ఎకరాల భూమి కూడా పూర్తిగా రిజిస్ట్రేషన్ కాలేదని సమాచారం.

Bommarillu Raja rao

Bommarillu Raja rao...

లోపల అలా, బయట ఇలా

 కిరణ్, చంద్రబాబు తీరుపై సర్వత్రా విస్మయం
  శాసన వ్యవస్థను కించపరిచేలా సభా ‘నాయక్’, ‘ప్రతినాయక్’ల తీరు
 బీఏసీ భేటీ జరిగే స్పీకర్ చాంబర్‌కు పదడుగుల దూరంలో ఇద్దరి చాంబర్లు
సమావేశం జరిగే సమయంలో ఎవరి గదుల్లో వాళ్లు కూర్చుని కాలక్షేపం
 రెండుసార్లు ఆహ్వానాలు పంపినా పట్టించుకోని సీఎం, విపక్ష నేత
 ఈ సమావేశాల్లో నాలుగుసార్లు జరిగిన బీఏసీ భేటీ
  ఒక్కసారీ వెళ్లని బాబు.. ఒకేసారితో సరిపెట్టిన ముఖ్యమంత్రి కిరణ్
వెళ్తే టీ బిల్లుపై వైఖరి చెప్పాల్సి వస్తుందన్న భయమే కారణం?
 టీడీపీ నుంచి ఇద్దరు ప్రతినిధులు, బాబు స్క్రిప్టు మేరకు రెండు వాదనలు
 
 సాక్షి, హైదరాబాద్: శాసన వ్యవస్థ అంటే ముఖ్యమంత్రి కిరణ్‌కుమార్‌రెడ్డి, ప్రతిపక్ష నేత చంద్రబాబుల్లో తేలిక భావం నెలకొని ఉందా? శాసనసభ వ్యవహారాల సలహా సంఘం (బీఏసీ) అంటే వారికి పూర్తి చులకన భావముందా? బీఏసీ సమావేశాలను తేలిగ్గా తీసుకుంటున్నారా? వాటిని ఆషామాషీ వ్యవహారాలుగా మాత్రమే పరిగణిస్తున్నారా? స్వయంగా శాసనసభాపతి అయిన స్పీకర్ నిర్వహించే ఆ సమావేశాలకు ఇవ్వాల్సినంత విలువ ఇవ్వడం లేదా? వాటిలో తాము పాల్గొనడం ఏమిటన్న తరహాలో చిన్నచూపు చూస్తున్నారా? వారి వ్యవహార శైలి పట్ల ప్రస్తుతం సర్వత్రా ఇలాంటి సందేహాలే తలెత్తుతున్నాయి. కొంతకాలంగా, మరీ ముఖ్యంగా ఆంధ్రప్రదేశ్ పునర్వ్యవస్థీకరణ బిల్లు శాసనసభకు వచ్చిన తర్వాత నిర్వహిస్తున్న బీఏసీ సమావేశాలను బాబు, కిరణ్ ఏమాత్రం ఖాతరు చేయకపోవడం పట్ల అసెంబ్లీ వర్గాల్లోనే విస్మయం వ్యక్తమవుతోంది.
 
 సభ ఏ అంశంపై చర్చించాలి. ఎలాంటి ఎజెండాను ఖరారు చేయాలన్నది నిర్ణయమయ్యేది బీఏసీలోనే. పైగా ఈ విషయాల్లో సభా నాయకుడైన ముఖ్యమంత్రిది, ప్రధాన ప్రతిపక్ష నాయకునిదే కీలక పాత్ర. వారి సూచనలనే బీఏసీలో ప్రధానంగా పరిగణనలోకి తీసుకుంటారు. అలాంటిది కొంతకాలంగా బీఏసీని వారు అసలే పట్టించుకోవడం లేదు. ముఖ్యంగా అసెంబ్లీ శీతాకాల సమావేశాల సందర్భంగా స్పీకర్ ఇప్పటికి నాలుగు దఫాలుగా బీఏసీ నిర్వహించగా కిరణ్ ఒకే ఒక్కసారి హాజరయ్యారు. చంద్రబాబు అయితే అదీ లేదు! అది కూడా అసెంబ్లీలోనే ఉండి మరీ డుమ్మా కొడుతున్నారు. పోనీ ఏమైనా అత్యవసర పనుల్లో బీజీగా ఉంటున్నారా అంటే, అదీ లేదు. అసెంబ్లీ భవనంలో బీఏసీ భేటీ జరిగే స్పీకర్ చాంబర్‌కు ఒకవైపు సీఎం గది, మరోవైపు ప్రతిపక్ష నాయకుడి గది ఉంటాయి. స్పీకర్ చాంబర్ నుంచి వాటికి పదడుగుల దూరం కూడా ఉండదు. కిరణ్, బాబు ఇద్దరూ తమ చాంబర్లలో నేతలతో, ఇతరులతో ఇష్టాగోష్ఠి వంటివాటితో కాలక్షేపం చేస్తున్నారు. పైగా స్పీకర్ చాంబర్‌లో బీఏసీ భేటీలో ఏం జరుగుతున్నదీ ఎప్పటికప్పుడు పార్టీ నేతల ద్వారా వాకబు చేస్తూ, వారికి డెరైక్షన్లిస్తూ గడుపుతున్నారు. విభజన బిల్లుపై ఏం చేస్తే బాగుంటుందన్న దానిపై కిరణ్, బాబు అభిప్రాయం తెలుసుకోవాలని మిగతా పార్టీలన్నీ ఎదురుచూస్తుంటే, వారు మాత్రం తనకేమీ సంబంధం లేదన్నట్టు వ్యవహరిస్తున్నారు. నిజానికి బీఏసీ భేటీకి వస్తే తమ వైఖరేమిటో స్పష్టం చేయాల్సి వస్తుందనే ఉద్దేశంతోనే వారిలా డుమ్మా కొడుతున్నారన్న అభిప్రాయం కాంగ్రెస్, టీడీపీ వర్గాల్లోనే వ్యక్తమవుతోంది.
 
 లోపల అలా, బయట ఇలా
 కిరణ్, బాబు పదేపదే బీఏసీకి డుమ్మా కొట్టడంపై అన్ని పార్టీల నుంచీ తీవ్ర నిరసనలు వ్యక్తమవుతున్నాయి. సభా నాయకుడు, ప్రధాన ప్రతిపక్ష నేత వంటి బాధ్యత కలిగిన హోదాల్లో ఉంటూ కూడా బీఏసీకి డుమ్మా కొట్టడమే గాక, వారు అనుసరిస్తున్న వ్యవహార శైలిని తీవ్రంగా తప్పుబడుతున్నాయి. వారి ధోరణిని శాసన వ్యవస్థను కించపరచడంగానే పరిగణించాల్సి ఉంటుందని విశ్లేషకులు కూడా చెబుతున్నారు. ప్రస్తుత శీతాకాల అసెంబ్లీ సమావేశాలను పురస్కరించుకుని డిసెంబర్ 11న స్పీకర్ బీఏసీ సమావేశం నిర్వహించారు. అప్పటికింకా విభజన బిల్లు రాష్ట్రానికే రాలేదు. అయినా కిరణ్, బాబు బీఏసీకి రాలేదు. విభజన బిల్లు అసెంబ్లీకి వచ్చాక దానిపై అన్ని పార్టీలతో సంప్రదించి ఎజెండాను ఖరారు చేయడానికి స్పీకర్ రెండో దఫా డిసెంబర్ 17న మరోసారి బీఏసీ నిర్వహించారు. అందులో కిరణ్ పాల్గొన్నాబాబు మాత్రం మళ్లీ డుమ్మా కొట్టారు. పక్కనే ఉన్న తన చాంబర్‌లో కాలం గడిపారు. అప్పటికి విభజన బిల్లుపై సభలో చర్చ ప్రారంభమైనట్టా, లేదా అన్న వివాదం నడుస్తోంది. మజ్లిస్ సభ్యుడు అక్బరుద్దీన్ ఓవైసీ బీఏసీలో దీనిపై ప్రశ్నించగా, ‘అయిందేదో అయింది. దాన్ని వివాదం చేయొద్దు’ అని కిరణ్ కోరారు! అసలు చర్చ ప్రారంభమే కాలేదని సీమాంధ్ర నేతలు చెబుతున్న ఆ దశలో కిరణ్ అలా స్పందించడం అందరినీ ఆశ్చర్యపరిచింది. ఆ భేటీలో అంగీకరించిన మేరకు జనవరి 3వ తేదీ నుంచి మలివిడత సమావేశాలు ఉంటాయంటూ ముఖ్యమంత్రి పేరుతో షెడ్యూలు కూడా విడుదల చేశారు. కానీ అలాంటిదేమీ తనకు తెలియదని ఆ మర్నాడే మీడియాతో ఇష్టాగోష్ఠిలో కిరణ్ చెప్పుకొచ్చారు. ఒకవైపు బీఏసీకి డుమ్మా కొడుతూ, ఇలా పాల్గొన్న ఒక్కసారి కూడా విభజన బిల్లు వంటి కీలకమైన అంశంపై చర్చ, షెడ్యూలు విషయాల్లో లోపల ఒకమాట, బయట ఇంకో మాట మాట్లాడటం ఏమిటంటూ సీనియర్ నేతలు విస్మయం వ్యక్తం చేస్తున్నారు.
 
 చాంబర్లలో టైమ్‌పాస్
 జనవరి 3న అసెంబ్లీ మలివిడత సమావేశాలు మొదలైనా మూడు రోజులుగా సభ సాగకపోవడంతో స్పీకర్ సోమవారం మరోసారి బీఏసీ నిర్వహించారు. దానికి కూడా కిరణ్ , బాబు యథాప్రకారం డుమ్మా కొట్టారు. పైగా ఎప్పట్లాగే ఆ సమయంలో తమ చాంబర్లలో పార్టీ నేతలతో ఇష్టాగోష్ఠుల్లో మునిగిపోయారు. బీఏసీ నుంచి మధ్యమధ్యలో ఆయా పార్టీల నేతలు తమ వద్దకు వచ్చి వివరాలు చెబుతుంటే వారికి డెరైక్షన్లు ఇస్తూ గడిపారు. సోమవారం బీఏసీ రెండు దఫాలుగా జరిగింది. ఉదయం జరిగినప్పుడు పార్టీల మధ్య ఏకాభిప్రాయం రాలేదన్న ఉద్దేశంతో మధ్యాహ్నం తర్వాత స్పీకర్ మరోసారి బీఏసీ నిర్వహించారు. ఈ రెండుసార్లూ కిరణ్, బాబు తమ చాంబర్లలో నేతలతో కాలక్షేపం చేస్తూ గడిపారే తప్ప అటువైపు తొంగి కూడా చూడలేదు. బీఏసీలో మిగతా పక్షాలు ఏమేం మాట్లాడుతున్నదీ తెలుసుకుంటూ, టీడీపీ తరఫున ఏం మాట్లాడాలో నేతలకు సూచనలిస్తూ బాబు తన చాంబర్ నుంచే కథ నడిపారు. ‘ప్రాంతాలవారీగా మీ మీ వాదన గట్టిగా వినిపించండి’ అని బీఏసీకి వెళ్లిన తెలంగాణ, సీమాంధ్ర టీడీపీ నేతలకు ఎప్పటికప్పుడు ఆదేశాలిచ్చారు. ఇలా కీలకమైన సభా నాయకుడు, ప్రధాన ప్రతిపక్ష నేత ఇద్దరూ బీఏసీలో లేకపోవడంతో బిల్లుపై చర్చను కొనసాగించే విషయంలో సమావేశం ఏకాభిప్రాయం సాధించలేకపోయింది. ఉదయం ఒకసారి, మధ్యాహ్నం మరోసారి రెండు దఫాలుగా మూడున్నర గంటలపాటు చర్చించినా ఏమీ తేల్చకుండానే ముగించాల్సి వచ్చింది.
 
 బాబుకు ఎన్ని నాల్కలో...
 బాబు డుమ్మా కొడుతున్న నేపథ్యంతో అసలు విభజన బిల్లుపై, దానిపై చర్చ కొనసాగించడంపై టీడీపీ వైఖరేమిటో స్పష్టం చేయాలంటూ సోమవారం జరిగిన బీఏసీలో మిగతా పార్టీల నేతలంతా సూటిగా ప్రశ్నించారు. దాంతో టీడీపీ నేతలు నీళ్లు నమిలారు. దీనిపై తమకు కొంత సమయం కావాలని కోరారు!దాంతో బీఏసీలో పాల్గొన్న మిగతా పార్టీల నేతలంతా ఒక్కసారిగా విస్తుపోయారు. ఒక పార్టీగా స్పష్టమైన అభిప్రాయంతోనే సమావేశానికి రావాలి కదా అంటూ వారిని నిలదీశారు. ఇలా టీడీపీ ప్రదరిశంచిన నీళ్లు నములుడు వ్యవహారం వల్లే బీఏసీ భేటీని మధ్యాహ్నానికి స్పీకర్ వాయిదా వేశారు. మళ్లీ సమావేశమయ్యాక టీడీపీ సభ్యులు షరామామూలుగా ప్రాంతాలవారీగా అభిప్రాయం విన్పించారు! విభజన బిల్లు రాజ్యాంగ విరుద్ధమైనందున దాన్ని వెంటనే తిప్పి పంపాలన్నదే టీడీపీ అభిప్రాయమని అశోక్‌గజపతిరాజు, గాలి ముద్దు కష్ణమనాయుడు చెప్పారు. తామడిగిన సమాచారం ఇచ్చేదాకా అసలు సభనే సాగనీయబోమని పయ్యావుల కేశవ్ తెలిపారు.
 
  తెలంగాణ టీడీపీ నేతలు మాత్రం ఎట్టి పరిస్థితుల్లోనూ చర్చ జరగాల్సిందేనని, అవసరమైతే అడ్డొచ్చే వారిని సస్పెండ్ చేయాలని ప్రతిపాదించారు! దాంతో విస్తుపోవడం మిగతా నేతల వంతయింది. ‘అసలు మీరు చెబుతున్న అభిప్రాయాల్లో ఏది మీ పార్టీ అభిప్రాయమో చెప్పండి’ అంటూ స్పీకర్ సహా అధికార, విపక్ష సభ్యులంతా గట్టిగా నిలదీశారు. అప్పుడు కూడా టీడీపీ నేతలు యథాప్రకారం రెండు కళ్ల సిద్ధాంతం పఠించారు. ‘టీడీపీ తరపున బాబు, నేను మాత్రమే బీఏసీ సభ్యులం. కాబట్టి నేను చెప్పిందే మా పార్టీ విధానం’ అని అశోక్ చెప్పారు. విభజనకు అనుకూలంగా టీడీపీ లేఖ ఇచ్చింది గనుక దానికి అనుగుణంగా చర్చ జరపాల్సిందేనని మోత్కుపల్లి నర్సింహులు చెప్పుకొచ్చారు. బీఏసీ సమావేశాల్లో నేతలు రకరకాలుగా మాట్లాడుతుండటం, పైగా లోపల ఒకటి చెప్పి, బయటకెళ్లగానే మరో రకంగా మాట్లాడుతున్న నేపథ్యంలో భేటీలో సభ్యులు వ్యక్తం చేసే అభిప్రాయాలను రికార్డ్ చేయాలని ఆర్థిక మంత్రి ఆనం రామనారాయణరెడ్డి స్పీకర్‌ను కోరారు. అయినా టీడీపీ నేతలు ఎవరి వాదన వారు వినిపిస్తుండటంతో ఏకాభిప్రాయం రాక చివరకు స్పీకర్ మళ్లీ బీఏసీని వాయిదా వేశారు. ఆ తర్వాత కూడా టీడీపీ నేతలు మీడియా పాయింట్ వద్ద ఎవరి వాదనలు వారు విన్పించడమే గాక ఇతర పార్టీలపై విమర్శలు గుప్పించారు!
 
 సభలోనే అభిప్రాయాలు తెలుసుకోవాలి: బొత్స
 విభజన బిల్లుపై చర్చ జరగాలా, వద్దా అనే అంశంపై బీఏసీలో కాకుండా ఇకపై అసెంబ్లీలోనే ఫ్లోర్‌లీడర్ల అభిప్రాయాన్ని తీసుకోవాలని మంత్రి బొత్స సత్యనారాయణ స్పీకర్‌కు సూచించారు. ‘బీఏసీలో సుదీర్ఘంగా చర్చించి ఒక నిర్ణయానికి వచ్చాక కూడా కొందరు బయట మాట మారుస్తున్నారు. సభను అడ్డుకుంటున్నారు’ అని గాంధీభవన్‌లో మీడియాతో ఆయనన్నారు. సభలోనే అభిప్రాయాలను తీసుకోవడంవల్ల ఎవరేమిటో ప్రజలకు తెలుస్తుందన్నారు.

http://www.sakshi.com/news/andhra-pradesh/chandra-babu-and-kiran-kumar-playing-games-95107?pfrom=home-top-story

అంగన్‌వాడీ మహిళలను గుర్రాలతో తొక్కించారు..

• విభజన వేడి పట్టించుకోని చంద్రబాబు
•   వచ్చే ఎన్నికలను విషమ పరీక్షగా భావిస్తున్న టీడీపీ అధినేత
•   ఎడాపెడా హామీలతో గద్దె దక్కించుకునేందుకు తపన
•   రైతు, డ్వాక్రా రుణాల మాఫీ అంటూ మభ్యపుచ్చే ప్రయత్నం
•   మహిళా సంక్షేమం జాడేలేని బాబు గత చరిత్ర
•   అంగన్‌వాడీ మహిళలను గుర్రాలతో తొక్కించారు.. 
•   మద్యనిషేధాన్ని నీరుగార్చారు.. బెల్టు షాపులు పెట్టారు..
•   జీవోలు తెచ్చి మరీ పేదలను జైలు పాల్జేసింది ఆయనే...

 

 సాక్షి, హైదరాబాద్: రాష్ట్రంలో ‘విభజన’ వేడితో పాటు ఎన్నికల సంవత్సరం కావడంతో మరోవైపు రాజకీయ వేడీ పెరుగుతోంది. ముఖ్యంగా వచ్చే ఎన్నికలు తన నాయుకత్వానికీ, తెలుగుదేశం పార్టీ వునుగడకూ విషవుపరీక్షగా ఆ పార్టీ అధినేత చంద్రబాబునాయుడు భావిస్తున్నారు. ఈసారీ ప్రజలు తనను తిరస్కరిస్తే తన రాజకీయ జీవితానికి తెరపడినట్లేనని ఆయన ఆందోళన చెందుతున్నట్టు ఆ పార్టీ నేతలే చెబుతున్నారు. ఈ నేపథ్యంలోనే గత రెండు ఎన్నికల్లో ప్రతిపక్ష నేత పాత్రకే పరిమితమైన చంద్రబాబు ఈసారెలాగైనా అధికార పీఠాన్ని దక్కించుకోవాలని ప్రయత్నాలు మొదలుపెట్టారు.

 

  రాష్ట్ర విభజనపై ఇప్పటికీ తన వైఖరేమిటో స్పష్టం చేయకపోవడంతో ప్రజల్లో పెరుగుతున్న అసంతృప్తిని తగ్గించేందుకు కూడా దోహదపడేలా ఎన్నికల హామీలు కురిపిస్తున్నారు. సందర్భమేదైనా ఎన్నికల సభను తలపిస్తూ.. అధికారమిస్తే ‘తొలి సంతకం’, ‘మలి సంతకం’ అనడంతోపాటు ముఖ్యంగా రైతులు, మహిళలపై దృష్టి పెట్టి వారిని మభ్య పెట్టేందుకు రైతు రుణాలు, డ్వాక్రా రుణాలు పూర్తిగా రద్దు చేస్తాననీ నమ్మబలుకుతున్నారు. ఎన్నికలు సమీపించే కొద్దీ వురికొన్ని అస్త్రాలనూ బయుటికి తీసుకువచ్చే ఆలోచనలో టీడీపీ అధినేత ఉన్నారు. అయితే 2009 ఎన్నికల్లో బాబు ఇచ్చిన ఏయే హామీలనైతే ప్రజలు నమ్మకుండా ఆయన్ను తిరస్కరించారో.. వుళ్లీ అలాంటి హామీలనే ఆయన మళ్లీ ఇవ్వడం రాజకీయు పరిశీలకులను విస్మయపరుస్తోంది. ఈ నేపథ్యంలోనే చంద్రబాబు తాజా హామీలు, గతంలో వివిధ సంక్షేమ పథకాల విషయంలో ఆయన అనుసరించిన తీరు, ఆయన విశ్వసనీయుతపై విశ్లేషణలూ, చర్చలూ మొదలయ్యూరుు. 

 

 ఓట్ల కోసం డ్వాక్రా రాగం

 ‘పార్టీ విధానాన్ని ఎప్పటికప్పుడు అవసరాలకు అనుగుణంగా ఎలాపడితే అలా వూర్చేయుడం చంద్రబాబుకు అలవాటే. ఒక స్థిరవిధానానికి కట్టుబడి ఉండటం ఆయున నైజం కానేకాదు..’ అనే విమర్శలున్నారుు. వైఎస్ రాజశేఖరరెడ్డి ప్రతిపాదించిన ఉచిత కరెంటు  సాధ్యం కానే కాదని 2004లో కరాఖండిగా చెప్పిన చంద్రబాబే 2009కు వచ్చేసరికి తమ ఎన్నికల ప్రణాళికలో ఆ అంశాన్ని పొందుపరిచారు. అంతేకాదు అన్నీ ఉచితంగానే ఇస్తానంటూ (వివిధ పథకాల పేరిట) ఊదరగొట్టారు. తెలంగాణ అనే పదాన్నే మాట్లాడవద్దని పార్టీ నేతలను ఆదేశించిన సంగతి మరచినట్లుగా 2009లో టీఆర్‌ఎస్‌ను ఆలింగ నం చేసుకుని వుహా కూటమి కట్టారు. 2009లో నగదు బదిలీ అంటూ ఓటర్లను వల్లో వేసుకునేందుకు విఫలయత్నం చేశారు. తీరా యుూపీఏ ఆ పథకాన్ని ప్రారంభిస్తే అది సరికాదంటూ కొత్త పల్లవి ఎత్తుకున్నారు. తాజాగా రైతుల రుణాలను పూర్తిగా రద్దు చేస్తావునీ, డ్వాక్రా రుణాలను వూఫీ చేస్తావునీ చెబుతున్నారు.

 

  నిజానికి 2004కు ముందు ఆయన పాలన విధానాలను, పలు సంక్షేవు పథకాలకు ఆయున గండికొట్టిన తీరునూ ప్రత్యక్షంగా రుచిచూసిన ప్రజలు 2004లో వైఎస్‌కు బ్రహ్మరథం పట్టారు. అంతేకాదు 2009 ఎన్నికల్లోనూ ఆయన పాచికలు పారలేదు. అయినా సరే మరోసారి అలాంటి హామీలనే ఆయున నవుు్మకుంటున్నారు. బలమైన ఓటు బ్యాంకులుగా చెప్పుకునే రైతులపై, వుహిళలపై ఆయున దృష్టి పెట్టారు. కోటిమందిపైగా ఉన్న మహిళా సంఘాలకు సంబంధించిన రుణాలు రద్దు చేస్తానన్న హామీ ఆ వ్యూహంలో భాగమే. 

 

 నిజానికి రైతురుణాల వూఫీ ఒక రాష్ట్ర ప్రభుత్వానికి ఎలా సాధ్యవునే ప్రశ్నకు ఆయున ఇప్పటికీ సంతృప్తికర సవూధానం ఇవ్వలేకపోయూరు. ఇప్పుడిక డ్వాక్రా రుణాల రద్దు అంటున్నారు. దాదాపు 20 వేల కోట్ల విలువైన డ్వాక్రా రుణాల వూఫీ సాంకేతికంగా, ఆర్థికంగా ఎలా సాధ్యవునే ప్రశ్న ఎలా ఉన్నా.. సంక్షేమ పథకాల ప్రకటనలు, అవులులో ఆయున గత చరిత్ర మాత్రం ఆయన తాజా హామీలకు విలువ లేకుండా చే స్తోందనే అభిప్రాయం వ్యక్తమవుతోంది. 

 

 వుహిళలపై ఎంత ‘ప్రేమో’

 వుహిళలపై ఇప్పుడు ప్రేవు ఒలకబోస్తున్న చంద్రబాబు నిజానికి తన పాలనకాలంలో వారి విషయంలో అవూనుష వైఖరినే ప్రదర్శించారు. వేతనాలు పెంచాలంటూ హైదరాబాద్‌లో ఆందోళన చేసిన అంగన్‌వాడీ మహిళలను గుర్రాలతో తొక్కించిన ఘటన రాష్ర్టవ్యాప్తంగా మహిళల మనస్సుల్లో చెరగని ముద్రవేసింది. ఎన్టీఆర్ ప్రవేశపెట్టిన వుద్యనిషేధాన్ని ఎత్తేసి, ఊరూరా వుద్యంప్రవాహానికి వీలుగా బెల్టు షాపులను ప్రారంభింపజేసిన బాబు ఘనతనూ మహిళలు మరిచిపోలేదు. రెండు రూపాయులకు కిలో బియ్యుం పథకం పేరుకే సార్థకత లేకుండా ఐదు రూపాయులకు పెంచిన వైనం మరో ఉదాహరణ. ఇక డ్వాక్రా రుణాలను రద్దు చేస్తానంటున్న బాబు త న హయూంలో వుహిళా సంఘాలకు ఇచ్చే రుణాలపై 14 నుంచి 16 శాతం వడ్డీని వసూలు చేశారు. 

 

 మహిళలు వడ్డీ చెల్లించలేని నిస్సహాయ పరిస్థితిలో ఉంటే వారి ఇళ్ల నుంచి వస్తువులను బలవంతంగా తీసుకెళ్లి వారితో కంటతడి పెట్టించిన సంఘటనలూ కోకొల్లలు! ఇక వితంతు, వృద్ధాప్య పింఛన్ల విషయుంలో.. గ్రావుంలో పింఛన్‌దారు ఎవరైనా వురణిస్తే తప్ప కొత్తవారికి ఇవ్వకపోవడవునే అవూనవీయు ధోరణిని ఆయున ప్రదర్శించారు. ఆ అరకొర పింఛన్లనూ ఏ 3 లేదా 4 నెలలకోసారి జరిగే గ్రావుసభల్లో ఇవ్వడవుూ, వుహిళలు కళ్లల్లో వత్తులు వేసుకుని ఎదురుచూడటమూ సర్వసాధారణ ప్రక్రియగా సాగింది. కొన్ని లక్షల కొత్త దరఖాస్తులు ఆమోదం కోసం ఎదురుచూసేవి. పింఛన్ల కోసం ఏళ్లకొద్దీ ఎదురుతెన్నులు చూసిన మహిళలు తాజాగా బాబు ఇస్తున్న హామీలను గుర్తుతెచ్చుకొనక మానరని అంటున్నారు. 

 

 ఉచితానికి వ్యతిరేకం.. ఇదే బాబు అసలు సూత్రం

 అవసరాన్ని బట్టి చంద్రబాబు ఏ హామీ ఇచ్చినా.. చంద్రబాబు వలిక రాజకీయు సూత్రం వూత్రం ఉచితానికి వ్యతిరేకం! తను అధికారంలో ఉన్నప్పుడు అచ్చు ఓ ప్రపంచబ్యాంకు ప్రతినిధిలాగే వూట్లాడిన ఆయున రాష్ట్రంలోని పేదల వాస్తవ స్థితిగతులను ఎప్పుడూ పరిగణనలోకి తీసుకున్న దాఖలాలే లేవు. తన వలిక రాజకీయు సూత్రాలను పొందుపరుస్తూ ఆయున ‘వునసులో వూట’ పేరిట ఓ రాజ్యాంగాన్నే రచించుకున్నారు. దానిపై ఎన్ని వివుర్శలు వచ్చినా ఆ పుస్తకంలోని అంశాలను ఆయున ఎప్పుడూ ఖండించలేదు. ‘‘నేను గ్రామాల్లోకి వెళ్లి ప్రజలకు మళ్లీ మళ్లీ చెప్పాను. ఉచిత విద్యుత్తు కావాలో, నిరంతర విద్యుత్తు సరఫరా కావాలో ఎంచుకొమ్మని. వాళ్లు అర్ధం చేసుకున్నారు. గత కొద్ది సంవత్సరాలుగా 13 రాష్ట్రాలు ప్రభుత్వ రవాణా రేట్లు పెంచాయి. 11 రాష్ట్రాలు విద్యుత్తు చార్జీలు పెంచాయి. ఉచిత విద్యుత్తును అందించిన కొన్ని ప్రభుత్వాలు ఓడిపోయాయి’’ అంటూ ఆ పుస్తకంలో రాసుకున్నారు. తన ప్రభుత్వ ఉచిత వ్యతిరేక విధానం సరైనదేనని ఘనంగా చెప్పుకొన్నారు. సబ్సిడీలు ఇవ్వటమంటే పులిమీద స్వారీ చేయటం లాంటిదేనని, ఉచిత సేవల కాలం పోయిందని- ప్రజల నుంచే డబ్బు సేకరించాలని, ప్రభుత్వోద్యోగుల జీతభత్యాల పెంపు, పింఛన్ల పెరుగుదల వల్ల ప్రభుత్వాలు అప్పుల్లో కూరుకుపోయే పరిస్థితి వస్తుందని ఆయున చెప్పుకున్నారు. 

 

 పేదలను జైల్లో పెట్టిన దుర్మార్గపు జీవోలు!

 నిజానికి చంద్రబాబు తన పేదల వ్యతిరేక వైఖరిని ఎప్పుడూ దాచుకోలేదు. రైతులతో సహా వేలాది వుంది పేదలను జైలుపాలు చేసేలా ఆయనిచ్చిన రెండు జీవోలే దీనికి పక్కా ఉదాహరణ. చిన్నాచితకా కరెంటు చోరీ నేరాలకూ భారీ శిక్షలు విధించి, కటకటాల వెనక్కి నెట్టిన ఆ జీవోల నంబర్లు 89, 99. వీటిని కరెంటు చార్జీలను అడ్డగోలుగా పెంచేసిన 2000 సంవత్సరంలోనే తీసుకొచ్చారు. 

 

 కరెంటు అక్రవు వాడకంపై కనీసం మూడేళ్ల జైలు, గరిష్టంగా ఐదేళ్లు... 50 వేల వరకూ జరినామా వేసేలా ఆ ఉత్తర్వుల్లో పొందుపరిచారు. ఈ ఉత్తర్వులు అమలు చేయడానికి ప్రత్యేక కోర్టును సైతం ఏర్పాటు చేశారు. వీటి ఆధారంగా చంద్రబాబు హయాంలో దాదాపు 80 వేల మంది పేదలు, రైతులను జైలుపాల్జేశారు. సాగు గిట్టుబాటు కాని దుర్దినాలకు తోడు ఈ వే ధింపులు తోడై వేలాది వుంది రైతులు ఆత్మహత్యలకు పాల్పడితే.... పరిహారాల కోసం ప్రాణాలు తీసుకుంటున్నారంటూ చంద్రబాబు పరిహాసమాడారు. అలాంటి బాబు ఇప్పుడు రైతులు, మహిళలపై ప్రేమ ఒలకబోస్తూ ఆచరణకు నోచని హామీలిస్తున్నారు.

http://www.sakshi.com/news/andhra-pradesh/chandrababu-naidu-trying-to-the-cheat-people-with-false-statements-95101?pfrom=home-top-story

బుచ్చయ్యా.. ఇదేం పనయ్యా?

చదివేస్తే ఉన్న మతి పోయిందన్న చందంగా తయారయింది మన రాజకీయ నాయకుల తీరు. ప్రజలకు మంచి చేయకపోయినా చెడు మాత్రం చేయకూడన్న ప్రాథమిక సూత్రాన్ని మన నేతాశ్రీలు ఎప్పుడో మర్చిపోయారు. ఎన్నికల జాతరలో ఖర్చు చేసిన సొమ్ములను నొల్లుకోవడమే ధ్యేయంగా పనిచేస్తున్న నేతాగణం వైఖరి విస్మయపరుస్తోంది. స్వప్రయోజనాల కోసం పేదల కడుపు కొట్టేందుకు కూడా వెనుకాడకపోవడం చూస్తుంటే రాజకీయ నాయకులు ఎంతగా దిగజారిపోతున్నారో అర్థమవుతోంది. ఆధిప్య పోరుతో అమాయకుల జీవితాలతో చెలగాటం ఆడేందుకు కూడా సందేహించడం లేదు.

తూర్పుగోదావరి జిల్లా రాజమండ్రిలో తాజాగా జరిగిన ఘటనే ఇందుకు ఉదాహరణ. పేదలకు ఇళ్లు కేటాయించేందుకు ఏర్పాటు చేసిన కార్యక్రమంలో టీడీపీ సీనియర్ నాయకుడు, రాష్ట్ర మాజీ మంత్రి గోరంట్ల బుచ్చయ్య చౌదరి వీరంగం ఆడడంతో స్థానికులు అవాక్కయ్యారు. ఆధిపత్యం కోసం పేదల చిరకాల స్వప్నాన్ని భగ్నం చేసేందుకు ప్రయత్నించారు. తమ పార్టీ ఎమ్మెల్యేను ఆహ్వానించలేదన్న అక్కసుతో తన అనుచురులతో కలిసి కార్యక్రమాన్ని అడ్డుకునేందుకు కుట్ర చేశారు. అటు అధికార కాంగ్రెస్ పార్టీ ఎమ్మెల్యే రౌతు సూర్యప్రకాశరావు కూడా తానేం తక్కువ తినలేదన్నట్టుగా వ్యవహరించారు.

తమ సొంతింటి కలను భగ్నం చేయడానికి వచ్చిన బుచ్చయ్య చౌదరిపై బడుగులు భగ్గుమన్నారు. తమ పాలిట సైంధవుడిలా మారిన గోరంట్ల, ఆయన అనుచరులపై విరుచుకుపడ్డారు. రాళ్లతో తరిమి కొట్టారు. మహిళలు చెప్పులు చూపిస్తూ శాపనార్థాలు పెట్టారు. రోడ్డు మీది దుమ్మెత్తి పోశారు. ఈ పరిణామాన్ని ఊహించని గోరంట్ల మ్లానవదనంతో, అవమానభారంతో అక్కడి నుంచి ఉడాయించాల్సి వచ్చింది. అయితే తనకడ్డొచ్చిన మహిళలను తోసుకుంటూ గోరంట్ల పలాయనం చిత్తగించారు. మహిళలు అని కూడా చూడకుండా పక్కకు గెంటేసి పారిపోయారు.

పిల్లిని కూడా గదిలో బంధించి కొడితే పులిలా తిరగబడుతుందంటారు. పేదవాడు కన్నెర్ర చేస్తే పరిస్థితి ఎలా ఉంటుందో రాజమండ్రి ఘటన కళ్లకు కట్టింది. తమ కష్టార్జితాన్ని తక్కువ చేసి చూస్తే సహించబోమని చాటారు. తమకు మంచి చేయకపోయిన ఫర్వాలేదు గాని, చెడు చేసేందుకు ప్రయత్నిస్తే ఎంతటివారినైనా ఉపేక్షించబోమని చెప్పకనే చెప్పారు. గతంలో ఎన్నడూ చోటు చేసుకోని ఈ పరిణామం నేతలకు వణుకు పుట్టించగా, జనంలో వచ్చిన కొత్త చైతన్యాన్ని చాటి చెప్పింది. ప్రజాగ్రహం ముందు ఎంతటి నాయకుడైనా తలవంచాల్సిందేనని నిరూపిస్తోందీ ఘటన.

http://www.sakshi.com/news/features/gorantla-buchaiah-chowdary-thrown-woman-at-rajahmundry-94073

చిందేసిన తెలుగు తమ్ముళ్లు

వీడియోకి క్లిక్ చేయండి

ఒంగోలు : ప్రకాశం జిల్లా కనిగిరిలో టీడీపీ కార్యకర్తలు తమదైన శైలిలో నూతన సంవత్సర వేడుకలు జరుపుకున్నారు. ప్రత్యేకంగా వేదిక ఏర్పాటు చేసి రికార్డింగ్‌ డ్యాన్స్‌ల్లో మునిగి తేలారు. చాలాసేపు అమ్మాయిలు చిందులేస్తుంటే... నేతలు, కార్యకర్తలు నేత్రానందం పొందారు. అయితే   మండల అధ్యక్షుడు బేరి పుల్లారెడ్డి, పామూరు సర్పంచ్  మనోహర్‌ ఓ అడుగు ముందుకు వేసి వేదిక పైకి ఎక్కి అమ్మాయిలతో కలిసి చిందులేశారు. మమ్మల్ని చూడండి....మా పార్టీ తీరు చూడండంటూ చిందులేశారు.

అమ్మాయిల చేతులు పట్టుకుని ఊగిపోయారు. ఓ నేత అయితే ఏకంగా నృత్యం చేస్తున్న అమ్మాయి మెడలో పూలమాల వేసి మరీ ఆనందపడ్డాడు.  కాగా ఈ ఘటనపై పార్టీ నేతలు అసంతృప్తితో ఉన్నా బయటకు మాత్రం ఏమీ మాట్లాడటం లేదు. ఓ వైపు పార్టీ నేత నీతులు చెబుతుంటే...మరోవైపు తెలుగు తమ్ముళ్ల తీరును చూసి ముక్కన వేలేసుకుంటున్నారు.

http://www.sakshi.com/news/andhra-pradesh/tdp-leaders-enjoying-recording-dance-in-new-year-celebrations-93767

ఆకాశమంత అవకాశవాదం

 http://www.sakshi.com/news/opinion/chandra-babu-naidu-is-a-oppurtinity-93837
 2004 ఎన్నికల ప్రచారంలో దేశం వెలిగిపోతోందని బీజేపీ చేసిన ప్రచారంలో డొల్లతనం ఎంత ఉందో ఇప్పుడు మోడీ, చంద్రబాబు తమ హయాం లలో జరిగినట్లు చెబుతున్న అభివృద్ధి మాటల్లోనూ అంతే డొల్లతనం కనిపిస్తుంది.
 
 ఈనాటి రాజకీ య రంగంలో నీతి నియమాలూ, రాజ నీతిజ్ఞత, సూత్రబ ద్ధత, వ్యక్తిత్వం లాంటి విషయాల కోసం చూడటం వృధా ప్రయాసే. సామాన్య ప్రజల అభిప్రాయం కూడా ఇదే. ఇవన్నీ తెలుగుదేశం అధినేత చంద్ర బాబులోనే కనిపిస్తాయి. సూత్రబద్ధ రాజకీ యాలకు, ప్రజాహిత నిర్ణయాలకు ఆయన వ్యతిరేకం. బాబు కాంగ్రెస్ ద్వారా రాజకీయ ప్రవేశం చేశారు. అప్పుడే రాజకీయ పార్టీ పెట్టిన ఎన్.టి.రామారావును, పిల్లనిచ్చిన మామ అని కూడా చూడకుండా ఎద్దేవా చేశారు. 1982లో తెలుగుదేశం పార్టీ ఆవిర్భ వించి ఎన్టీఆర్ ముఖ్యమంత్రి అయ్యాక నెమ్మ దిగా కాంగ్రెస్ నుంచి తెలుగుదేశంలోకి జంప్ అయ్యారు.
 పార్టీకి తాత్కాలిక అధ్యక్షుడిని మాత్రమే నని మొదట చంద్రబాబు ప్రకటించారు. అప్పటి నుంచి తెలుగుదేశం చక్రం తిప్పుతు న్నారు. లక్ష్మీపార్వతిని బూచిగా చూపించి ఎన్టీఆర్‌కు వెన్నుపోటు పొడిచి గద్దె దింపే శారు. వ్యవసాయాన్ని విస్మరించి, రాష్ట్రానికి సీఈఓగా ప్రకటించుకున్నారు. ఐటీ జపం అందుకుని, సగం మంది గ్రామీణ ప్రజలు పట్టణాలకు, నగరాలకు చేరుకోవాలని పిలు పిచ్చారు. కమ్యూనిస్టులకు కాలం చెల్లిందనీ, వాళ్ల మెదళ్లు కలుషితమయ్యాయనీ వ్యాఖ్యా నించారు. ఇటీవల రాష్ట్ర విభజనకు సంబం ధించి పదే పదే మాటలు మార్చడం, రాబో యే ఎన్నికల్లో పొత్తు కోసం మళ్లీ బీజేపీని కౌగిలించుకోవడానికి సిద్ధమవుతుండటం- ఎక్కడా సూత్రబద్ధత కనిపించదు.
 
 ఎన్టీఆర్ చేసిందేముంది, 2 రూపాయ లకు కిలోబియ్యం, మద్యనిషేధం తప్ప అంటూ చులకన చేసి బాబు మాట్లా డారు. ప్రభుత్వానికి చెందిన ఎన్నో విలువైన ఆస్తులను ప్రైవేట్ వ్యక్తులకు కట్టబెట్టి సొంత ప్రయోజనం పొందారు. ఆనాడు తాను అను సరించిన రైతు వ్యతిరేక విధానాల మూలంగా వేలాది మంది రైతులు ఆత్మహత్యలు చేసు కున్నా పట్టించుకోని వ్యక్తి, ఇప్పుడు అన్నదా తకు పట్టెడన్నం పెట్టలేరా అని మాట్లాడుతు న్నాడు. ఆనాడు సబ్సిడీల్లో కోత, పన్నులు, కరెంట్ ఛార్జీల వాతపెట్టిన వ్యక్తి ఇప్పుడు అల విమాలిన పథకాలన్నీ ప్రకటించడమేమిటి? ప్రజల జీవనాధారమైన వ్యవసాయ రంగాన్ని బాబు విస్మరించడమే కాదు సర్వనాశనం చేశారని అనేక విశ్లేషణలు ఘోషిస్తున్నాయి. ఐటీ అభివృద్ధి అంటూ ఇతర రంగాలను విస్మ రించారు. రాష్ట్రంలో మద్యం ఏరులై పారుతూ సామాజిక రంగాలన్నీ కలుషితమైపోతున్నా రాష్ట్ర ఆదాయం కోసం వెంపర్లాడే బాబు మద్యనిషేధం ఎత్తివేయలేదా?
 
 నేషనల్ ఫ్రంట్‌కు రాత్రికి రాత్రే గుడ్‌బై చెప్పి ఆనాడు బీజేపీతో జతకట్టిన వ్యక్తి, రేపు అవసరమైతే గతంలో వ్యాఖ్యానించినట్లుగానే జీవితంలో మళ్లీ బీజేపీతో కలవబోనని ప్రక టించి జనాన్ని వెర్రివాళ్లను చేయడన్న గ్యారెం టీ ఏది? సూత్రబద్ధమైన విధానాలు అనుస రించే విద్యార్థి సంఘాలు, కులాల ప్రభావం గల విద్యార్థి సంఘాలుగా మారిపోయినది బాబు పాలనలోనే. ఇదే దశలో ప్రపంచీకరణ, సరళీకరణ, ప్రైవేటీకరణ మంత్రాలను పాల కులు అందిపుచ్చుకున్నారు. ఎన్టీఆర్‌ను గద్దె దింపినప్పుడు జరిగిన ఆందోళనలో బీజేపీ పాల్గొంది. ఆ తర్వాత 1989లో బోఫోర్స్ కుంభకోణానికి వ్యతిరేకంగా జరిగిన ఉద్య మంలో భాగస్వామి అయినప్పటికీ, తన నాయకత్వంలో ఏర్పడిన నేషనల్ ఫ్రంట్‌లో బీజేపీని ఎన్టీఆర్ చేర్చుకోలేదు. ఆయన ఒక సూత్రబద్ధ వైఖరినే అనుసరించారు.
 
 పార్టీ టిక్కెట్లు ఇవ్వడానికి డబ్బు వసూ లు చేసుకున్నట్టుగానీ, కుంభకోణాలకు పాల్ప డినట్లు గానీ ఎన్టీఆర్‌పై ఆరోపణలు రాలేదు. చంద్రబాబు విషయం అలాకాదు. అధికారం కోసం మతతత్వ రాజకీయాలు అనుసరించే బీజేపీతో చేతులు కలపడానికి, తెలంగాణలో ప్రాంతీయతత్వాన్ని రెచ్చగొడుతున్నారని తానే విమర్శించిన టీఆర్‌ఎస్ నేత చంద్రశేఖర రావుతోనూ ఎన్నికల ప్రయోజనం కోసం చేతులు కలపడానికి కూడా చంద్రబాబు వెను కాడలేదు.
 
 రాష్ట్రం సమైక్యంగా ఉంటేనే అభివృద్ధి సాధ్యమని 2001లో విశాఖపట్నం మహా నాడులో తీర్మానం చేశారు. రాష్ట్రం సమైక్యంగా ఉండాలని, వెనుకబాటుతనం ముసుగులో కేసీఆర్ దుష్ట రాజకీయం చేస్తున్నారని 2005 లో అసెంబ్లీలోనే చంద్రబాబు వ్యాఖ్యానిం చారు. 2008 నాటికి ఈ వైఖరి మారిపో యింది. తెలంగాణకు జై అన్నారు. తెలంగాణ విషయంలో 2008లో ప్రణబ్ కమిటీకి ఇచ్చిన లేఖను ఇటీవల వచ్చిన లేఖలో ఉటంకించారే గానీ స్పష్టంగా ప్రత్యేక రాష్ట్రానికి అనుకూ లమన్న మాట పేర్కొనలేదు. తెలంగాణ రాష్ట్ర ఏర్పాటు నిర్ణయం జరిగాక కోస్తాంధ్రలో రాజ ధాని ఏర్పాటుకు రూ.5 లక్షల కోట్లు కావాలని ప్రకటించిన ఆయన, సమైక్యాంధ్ర ఉద్యమం నేపథ్యంలో మాత్రం మౌనం వహించారు. ఆ తర్వాత బస్సు యాత్రలో సమన్యాయం అన్నారు.
 
 ఢిల్లీ, భోపాల్‌లో నరేంద్రమోడీతో కలిసి సభలలో పాల్గొనడం, గంటల తరబడి ఏకాం తంగా మంతనాలు జరపటం, మోడీ హైదరా బాద్ వచ్చినప్పుడు బాలకృష్ణ కలవడం లాం టి పరిణామాలు రానున్న ఎన్నికల్లో ఇరు పార్టీలు కలిసి పోటీ చేస్తాయనే సంకేతాలకు తావిస్తున్నాయి. 2002 నాటి గుజరాత్ ఊచ కోత మోడీ పాలనలోనే జరిగింది. అదో మాయని మచ్చగా వాజపేయి పేర్కొన్న తర్వాత గానీ చంద్రబాబు నోరు మెదపలేదు. పది మంది కోసం 90 మందిని బలిపెట్టడం, సమాజాన్ని మరింత దిగజార్చే మత రాజ కీ యాలు మన రాజ్యాంగం నిర్దేశించిన సూత్రా లకు విరుద్ధమైనవని బాబుకు తెలియదా?
 
 సమ్మిళిత అభివృద్ధి జపం చేస్తున్న కాం గ్రెస్ పాలనలోనూ, తమదే అభివృద్ధి అని ఊదరగొడుతున్న మోడీ పాలనలో ‘సంపన్న వర్గాల’కే మేలు జరిగింది. 2004 ఎన్నికల ప్రచారంలో దేశం వెలిగిపోతోందని బీజేపీ చేసిన ప్రచారంలో డొల్లతనం ఎంత ఉందో ఇప్పుడు మోడీ, చంద్రబాబు తమ హయాం లలో జరిగినట్లు చెబుతున్న అభివృద్ధి మాట ల్లోనూ అంతే డొల్లతనం కనిపిస్తుంది. ఒక నాడు వెన్నుపోటుతో దారుణంగా అవమానిం చిన ఎన్టీఆర్‌ను ఇప్పుడు చంద్రబాబు స్తుతిం చడం అధికారం కోసం కాదా? ఇప్పటికైనా సమాజ హితం కోసం ఆలోచిస్తే భావితరాలు గుర్తుంచుకుంటాయి.    

 

బాబు..బోగస్

http://www.sakshi.com/video/news/bogus-voter-list-in-babu-constituency-8702?pfrom=home-top-videos

కుప్పంలో 43 వేల బోగస్ ఓట్లున్నాయని భన్వర్‌లాల్ వెల్లడి
 
 సాక్షి, చిత్తూరు/కుప్పం: టీడీపీ అధినేత చంద్రబాబు నాయుడు గెలుపు బాగోతం బట్టబయలైంది. ఆయన కుప్పంనుంచి వరుసగా ఐదుసార్లు విజయం సాధించడానికి కుప్పలు తెప్పలుగా ఉన్న బోగస్ ఓట్లే కారణమని వెల్లడైంది. చిత్తూరు జిల్లాలోని కుప్పం నియోజకవర్గం ఆంధ్రప్రదేశ్, తమిళనాడు, కర్ణాటక కూడలిగా ఉంది. నియోజకవర్గంలోని నాలుగు వుండలాల్లో 1.96 లక్షలకుపైగా ఓటర్లుండగా... అందులో 43 వేల బోగస్ ఓట్లు ఉన్నట్లు రాష్ర్ట ఎన్నికల ప్రధానాధికారి భన్వర్‌లాల్ 15 రోజుల కిందట చేసిన ప్రకటన రాష్ర్టవ్యాప్తంగా సంచలనం కలిగించింది. దీంతో కంగుతిన్న అధికారులు ఓటర్ల జాబితాను చక్కదిద్దే పనులను హడావుడిగా చేపట్టారు. ఈ క్రమంలో బోగస్ ఓటర్లపేర్లు కుప్పలుతెప్పలుగా బయటపడుతున్నాయి.
 
ఇందులో సుమారు 20వేల వరకు తమిళనాడు, కర్ణాటక రాష్ట్రానికి చెందిన వారని అధికారులు చెబుతున్నారు. కుప్పం ప్రాంతంలో ఒక సావూజికవర్గానికి చెందిన ఓట్లు 40 శాతం వరకు ఉన్నాయి. ఈ సామాజికవర్గానికి చెందిన వారికి కుప్పం, తమిళనాడు రాష్ట్రంలో బంధువులు అధికంగా ఉన్నారు. ప్రభుత్వ పథకాల లబ్ధి కోసం వీరందరూ రెండు రాష్ట్రాల్లోనూ ఓటరు, రేషన్‌కార్డులు పొంది ఉన్నారని వెల్లడైంది. ఇటీవల నియోజకవర్గ పరిధిలోని రావుకుప్పం వుండలం కెంచనబల్ల పంచాయుతీ పరిధిలోని ఓటర్ల జాబితాను అధికారులు పరిశీలించారు. ఈ పంచాయుతీ పరిధిలో 2,689 వుంది ఓటర్లున్నారు. వీరి పేర్లే శాంతిపురం వుండలం బడుగువూకులపల్లె, కుప్పం పట్టణంలోని బీసీ కాలనీలోని ఓటర్ల జాబితాలోనూ ఉన్నట్లు తేలింది. ఈ పంచాయుతీలోనే 500 పైగా బోగస్ ఓట్లు ఉన్నట్లు నిర్ధారించారు. గుడుపల్లె వుండలంలోని పొగురుపల్లె, గుండ్లసాగరం పంచాయుతీల్లో 100కు పైగా ఓటర్లు ఇతర రాష్ట్రాల వారు ఉన్నట్లు తేలింది.
 
 టీడీపీ ఇన్‌చార్జ్ ఇలాకాలో భారీగా బోగస్ ఓట్లు
 
 కుప్పం నియోజకవర్గంనుంచి చంద్రబాబు నాయుడు 1989 నుంచి వరుసగా ఐదుసార్లు గెలుపొందారు. 1989లో 6,918, 1994లో 56,518, 1999లో 65,687, 2004లో 59,558, 2009లో 44,885 ఓట్ల మెజారిటీ సాధించారు. 1989లో మొదటిసారి సాధించిన మెజారిటీకి తరువాత 1994లో సాధించిన మెజారిటీకి మధ్య భారీ వ్యత్యాసం కనిపించడం బోగస్ ఓట్ల వల్లనేనన్న విమర్శలు వినవస్తున్నాయి. అప్పటినుంచే బోగస్ ఓటర్ల నమోదుకు శ్రీకారం జరిగివుంటుందని, అందువల్లనే ఆ తరువాత జరిగిన ప్రతి సాధారణ ఎన్నికల్లో కూడా అదే మెజారిటీ కొనసాగి ఉంటుందని రాజకీయ పరిశీలకులు విశ్లేషిస్తున్నారు.
 
 కుప్పం నియోజకవర్గ టీడీపీ ఇన్‌చార్జ్ పీఎస్ వుునిరత్నం ఇలాకా కంగుంది పంచాయతీలో భారీ ఎత్తున బోగస్ ఓట్లు బయుటపడటాన్ని ఇందుకు ఉదాహరణగా చూపిస్తున్నారు. తమిళనాడు రాష్ట్రానికి సరిహద్దులో ఉన్న ఈ పంచాయతీలో 5,124 మంది ఓటర్లు ఉన్నారు. తమిళనాడులోని తివ్ముంబట్ట సమీపం అరసనాపురం పంచాయుతీకి చెందిన గొల్లపల్లె వాసులు 1,000 వుందికిపైగా కంగుంది పంచాయుతీలోనూ బోగస్ ఓటర్లుగా ఉన్నారు. వీరి మధ్య బంధుత్వం ఉండటంవల్ల రెండు ప్రాంతాల్లోనూ ఓటర్లుగా చలావుణీ అవుతున్నారు. నియోజకవర్గ ఇన్‌చార్జి పంచాయతీలో ఇలా ఉంటే నియోజకవర్గంలో పరిస్థితి ఎలా ఉంటుందో అర్థం చేసుకోవచ్చు. టీడీపీ నేతలు తమిళనాడు, కర్ణాటక ప్రాం తాల్లోని బంధువర్గానికి చెందిన 10నుంచి 20వేల మందిని ఇక్కడ ఓటర్లుగా న మోదు చేయించినట్లు తెలుస్తోంది. వారందర్నీ రప్పించి ఓట్లు వేసుకోవడం వల్లే బాబుకు మెజారిటీ తగ్గకుండా వస్తోందన్న వాదన సర్వత్రా వ్యక్తమవుతోంది.
 
 విచారిస్తే వెలుగులోకి వాస్తవాలు:కుప్పం నియోజకవర్గంలో బోగస్ ఓట్ల వ్యవహారంపై లోతుగా విచారణ జరిపితే మరిన్ని వివరాలు వెలుగు చూసే అవకాశం ఉంది. 4 మండలాల్లోని పంచాయతీల్లో ప్రతి ఓటునూ తనిఖీ చేస్తే వేలసంఖ్యలో బోగస్ ఓట్లు వెలుగుచూడనున్నాయి. తమిళనాడులో ఉంటూ ఇక్కడ ఓటు పొం దిన వ్యక్తి ఇచ్చిన డోర్ నంబరులో ఇప్పుడు ఉంటున్నాడా లేక బంధువుల డోర్ నంబర్ ఇచ్చాడా అనేది పరిశీలించాల్సి ఉంది. ఇందుకోసం రెవెన్యూ యంత్రాం గం ఎక్కువ మంది సిబ్బందిని డెప్యుటేషన్‌పై నియమించి తనిఖీలు చేయాలి. ఇదే తరహా విచారణ కర్ణాటక సరిహద్దు గ్రామాల్లోనూ జరపాల్సి ఉంది.
 
 బోగస్ ఓట్లు తొలగిస్తాం: మునినారాయణ, తహశీల్దార్, కుప్పం
 
 వీఆర్వోలను క్షేత్రస్థాయిలో గ్రామాలకు పంపుతున్నాం. తమిళనాడు, కర్ణాటకవాసులు ఓటర్లుగా ఉన్న విషయమై విచారణ చేపడుతున్నాం. మూడు, నాలుగు రోజుల్లో పూర్తి స్థాయి నివేదికను ఉన్నతాధికారులకు పంపుతాం. బోగస్ ఓట్లను తొలగిస్తాం.